Ой, хээрийн түймрийн тойм
2025.03.12
2025 оны 3 дугаар сарын 9-нөөс 11-ний өдрүүдэд Монгол орны зарим нутаг ой, хээрийн түймэрт өртсөн билээ. 3 дугаар сарын 9-ний өдрөөс Сүхбаатар аймгийн Асгат, Эрдэнэцагаан, Дорнод аймгийн Матад зэрэг сумын нутгийн зарим хэсэг хээрийн түймэрт өртсөн бөгөөд 3 дугаар сарын 12-ны өдрийн байдлаар эдгээр сумын нутагт илэрсэн хээрийн түймэр бүрэн унтарсан байна.
3 дугаар сарын 12-ны өдрийн 13:00 цагийн хиймэл дагуулын мэдээгээр ой, хээрийн түймрийн тохиолдол илрээгүй байна.
2025.03.09-ний өдөр
Хиймэл дагуулын мэдээгээр Сүхбаатар аймгийн Асгат, Эрдэнэцагаан, Хэнтий аймгийн Баян-Овоо, Хөлөнбуйр, Архангай аймгийн Хайрхан суманд ой, хээрийн түймрийн 8 удаагийн тохиолдол гарав.
|
|
|
2025.03.10-ны өдөр
Сүхбаатар аймгийн Сүхбаатар, Эрдэнэцагаан, Дорнод аймгийн Матад, Дундговь аймгийн Баянжаргалан суманд хээрийн түймрийн 6 удаагийн тохиолдол илэрсэн байна.
2025.03.11-ний өдөр
Сүхбаатар аймгийн Эрдэнэцагаан, Дорнод аймгийн Матад, Төв аймгийн Баян суманд хээрийн түймэр тохиолдсон байна.
Ус цаг уур, орчны судалгаа, мэдээллийн хүрээлэн
Зайнаас тандан судлалын хэлтэс
