logo
Ус цаг уур, орчны судалгаа, мэдээллийн хүрээлэн

Уур амьсгалын сарын тойм

  

 2019 ОНЫ 7 ДУГААР САРЫН УУР АМЬСГАЛЫН ТОЙМ

Манай орны хамгийн дулаан 7 дугаар  сарын агаарын дундаж температур (1981-2010 оны дунджаар) Алтай, Хангай, Хөвсгөл, Хэнтийн уулс орчмоор  15°С-аас 12°С (59°F-аас 53.6°F), Говь-цөлийн бүс нутгаар 21°С-аас 27°С  (69.8°F-аас 80.6°F), бусад нутгаар  14.8°С -аас 20°С (58.6°F-аас 68° F) байдаг байна.

Монгол орны хэмжээнд 7 дугаар сард ойролцоогоор жилийн нийлбэр хур тунадасны 28.5 хувь нь ордог. Сардаа  нутгийн хойд болон төв, зүүн зүгийн нутгаар  60-аас 110 мм, говь-цөлийн бүс нутгаар 12-оос 20 мм, бусад нутгаар 18-50 мм тунадас унадаг байна.

Зураг 1. 1981-2010 оны 7 дугаар сарын агаарын дундаж температур,

нийлбэр хур тунадасны  газарзүйн тархалт

2019 оны  7 дугаар сард ихэнхи нутгаар агаарын дундаж температур 1981-2010 оны олон жилийн дунджийн (ОЖД) орчим байсан байна. Бүс нутгаар авч үзэхэд  (Зураг 2)  Баян-Өлгий аймгийн Баяннуур, Увс аймгийн Өндөрхангай, Малчин орчмоор  ОЖД-аас 1.4-2.5°С-аар хүйтэн, Булган, Сэлэнгэ, Төв аймгийн баруун хэсэг, Дундговь, Өвөрхангай, Өмнөговь болон Дорноговь аймгийн зүүн хэсэг, Хэнтий аймгийн өмнөд хэсэг, Сүхбаатар аймгийн Эрдэнэцагаан, Баяндэлгэр, Дорнод аймгийн Матад, Ховдын Цэцэг, Говь-Алтайн Алтай, Завханы Цэцэн-Уул, Хөвсгөлийн Цэцэрлэг орчмоор  ОЖД-аас 1-2.7°С-аар дулаан, Төв аймгийн Бүрэнд ОЖД-аас 3.8°С-аар дулаан  бусад нутгаар ОЖД орчим байсан байна.

Хур тунадасны хувьд тус сард Монгол орны хэмжээнд дунджаар 59.7мм тунадас орсон. Бүс нутгаар авч үзэхэд  (Зураг 2) Баян-Өлгий, Увс, Хөвсгөл, Сэлэнгэ, Улаанбаатар, Ховд аймгийн Цэцэг, Завхан аймгийн Завханмандал, Баянхонгор аймгийн Баянцагаан, Өвөрхангай аймгийн Богд, Төгрөг, Өмнөговь аймгийн Булган, Дорноговийн Мандах, Төв аймгийн Мөнгөнморьт, Сухбаатар аймгийн Баруун-Урт, Дорнодын Матад орчмоор ОЖД-аас 20-40 хувиар ахиу хур тунадас орсон бол Ховд, Завхан, Баянхонгор, Архангай, Төв, Хэнтийн ихэнхи нутгаар ОЖД орчим, харин бусад нутгаар ОЖД-аас бага хур тунадас оржээ.

 

Зураг 2. 2019 оны 7 дугаар сарын агаарын дундаж температур, нийлбэр хур тунадасны

ОЖД-аас хазайх хазайлт

Монгол орноор дундажласан 7 дугаар сарын хоногийн дундаж агаарын температурын явцыг харахад (зураг 3) 3 дугаар 10 хоногт нэлээн эрчимтэй хүйтрэлт ажигдсан байна. Хур тунадасны хувьд ихэнхи нутгаар өдөр бүр бороотой байсан байна.     

Зураг 3. Хоногийн дундаж агаарын температур, нийлбэр хур тунадасны ОЖД-аас хазайх хазайлт

7 дугаар сард 30°С-аас халуун өдөр говь-цөлийн бүс нутгаар 20-31 өдөр, нутгийн төв, зүүн өмнөд болон Увс, Ховдын зарим нутгаар 10-19 өдөр, бусад нутгаар  10-аас цөөн өдөр ажиглагджээ.

Зураг 4. 30°С-аас халуун өдрийн өдрийн тооны газарзүйн тархалт

Тус сард үнэмлэхүй их утга Дорноговийн Хөвсгөлд агаарт 39°С, Төв аймгийн Жаргалантад хөрсөнд 69°С хүрч халсан бол үнэмлэхүй бага утга Баян-Өлгийн Дэлүүнд агаарт 0.1°С, Баянхонгорын Баянбулагт хөрсөнд -1°С хүрч хүйтэрсэн байна.  Харин даралтын үнэмлэхүй их утга  Сэлэнгийн Сүхбаатарт 940.9 гПА, бага утга Баянхонгорын Баянбулагт 762 гПа хүрч тус тус ажиглагдсан. Салхины хурд хамгийн их нь Сүхбаатарын Дарьганад 35 м/с хүрчээ.

Зураг 5. Тус сард ажиглагдсан экстремаль утгууд

1-р сар

2-р сар

3-р сар

4-р сар

5-р сар

6-р сар

7-р сар